|
رح شيلك من بالي يا يوم التلاتين
والقيك من روزنامتي عا مر السنين
ورح لملم دموعي وزفرات الانين
وخطط كلمة شوق وحنين
لفخر الرجولي لزهر تشرين
رح شيلك من بالي يا يوم التلاتين.
*****
يا عقل الرجولي
يا عنوان المرجلي
يا نفحة امل
يا بدر عتم المرحلي
انت قصيدة عنوانها فخر
السنيين
رح شيلك من بالي يا يوم التلاتين
*****
ابو الياس
يا نجم المعارك والخطوب
يا شجرة ارز خالدي معنوني هالدروب
يا بلسم الجروح
يا عطر الورود
يا ملهمي
يا قائدي على مر السنين
رح شيلك من بالي يا يوم التلاتين
*****
يا يوم من روزنامتي وقع
يا شلخ ارز بهالتاريخ انخلع
يا مدماك من صرح الوطن سقط
برحيلك بهاليوم الحزين
رح شيلك من بالي يا يوم التلاتين.
*****
رح قلك قديش بغيابك تكالبوا
ونياب صفرا بذكراك تناهشوا
وعيون باكي وشفاف لئيمة تهامسوا
عافراقك بهاليوم الحزين
رح شيلك من بالي يا يوم التلاتين.
.
|
